Sharanyń maqsaty mektep oqýshylary arasynda kásipkerlikti dáripteý, kásipkerlik jáne bızneske ıdeıalardy damytý daǵdylaryn qalyptastyrý bolyp tabylady. Festıvalge qatysýshylar «i-MAP» bıznes-mektebinde tegin bilim alyp, SMM, 4P marketıngin, naqty maqsat qoıý, ýaqytty tıimdi paıdalaný daǵdylaryn ıgerdi.
Aǵymdaǵy jyldyń 1 qyrkúıegi men 26 qazan aralyǵynda ótken baıqaýǵa 14-17 jas aralyǵyndaǵy jasóspirimder qatysty. Baıqaýǵa 102 ótinish túsip, olardyń arasynan 10 úzdik joba iriktelip alyndy. Oqýshylardyń jobalary British Council «Shevron», «VeelineKazakhstan» kompanııasy, Áleýmettik mańyzdy bastamalardy damytý qory, Almaty qalasy bilim basqarmasy mamandary tarapynan qoldaý tapty.
Festıvalge usynylǵan jobalar ishinen úzdik jumystar isirtelip, jeńimpazdar anyqtaldy: Ymmen túsindirý qosymshasy jobasy boıynsha Eltaı Adı, Medeý Bektemisov, Demeý Atymtaev, úıdi daýyspen basqarý jobasy boıynsha Jan Aýbakırov, Aleksandr Lım, Eskendir Asanqul, nashar kóretin azamattarǵa arnalǵan taıaq jasap shyǵarý jobasy boıynsha Malıka Asylbekova jeńimpaz dep tanyldy. Qoǵamdyq mańyzy bar jobalardy damytý qory eń úzdik ekologııalyq jobaǵa –№92 Mhatma Gandı atyndaǵy lıseı oqýshylaryna, Aıǵanym Ýaqyt jáne Mıra Dáýletovaǵa Almatydaǵy sýdyń sapasyn zertteý boıynsha jobasyna 300 myń teńge syılyq usyndy.
Elvıra Serikqyzy,
«Egemen qazaqstan»
ALMATY
